Bang•a manderangan noktango aro sa•ratango rongtale donganikosa namniktokbea. Uamang rongtalgijaniko mitchiniktoka. Saobarang uamangni biapo aro sa•ra noksamrango gue cha•e chitchurammaniko chakna ampilgija nidika. Uandakgipa bewalko namnikgijani namen nambea. Indiba ua rongtalgijaniko namnikgijagipa apsan mandean sakgipinni biaprangode mitchiate donbana namnikskaa. Uamang ma•sie aro ma•sigijani bewalo ong•rongbata. Adita sakgipinni biaprangko rangtalatgijani bewalrangko apsan mingsankon minggittam pointsrango janapatna namnikbea.
• Rongtalgipa biaprango rona ba picnic cha•na namnikbea. Indiba rokkomari plasticrangko, me•su bigilrangko, cha•ani bon•gijaniko, song•chakram aro chanchakram biaprangkode rongtalatgija donbanawa. Bottle-rangko skatang kona noksikrango aro chibima chiringrango galrame re•banawa. Rongtalao atchongna namnika indiba atchongman•e mitchiate donbana namnika.
• Bajar antirangni rongtalako namnika. Bajarrango, gario songreo aro ramarango re•ramitingo chips, snacks, biscuits, sweets aro biterangko cha•na, aro cold/soft driks-rangko ringna namniktokbea. Indiba cha•man ringmanede plastics, wrappers aro bottlerangkode skatang je biapon bon•achim, uanon bik rang•san galmalamataina namnika. Sorok ramarango aro garioni galongkatanira namchongmotja. Ua galna nanggiparangko, dikdiksa chimonge ra•bitenba kragipa bewalo galnara be•en bilgrijawachim. Cha•na ringna skang jreako ra•bitnade neng•ja, indiba cha•mane ringmane bigil aro bikoprarako dikdiksa ra•bite kragipa biapo galna aro rongtale donnade neng•a aro aratbea.
• Sa•ratango chitchuakode namnikjana, an•tangan rama sorok aro bajar antiode chitchuna namnikskara. Biterangni bigilrangko garioni galongkatatna namnika, aro ua rama sorokko saniba rongtale donnengako alturiri mitchiata.
Ua biap nang•ni re•bana skang maidakgipa rongtalao dongachim, ua biapko apsan rongtalao rakkianian gamchata. Maikai sa•ratangko rongtale rakkia, bajar anti rama buringrango skatang galramram galpitpitjana.
• Rongtalgipa biaprango rona ba picnic cha•na namnikbea. Indiba rokkomari plasticrangko, me•su bigilrangko, cha•ani bon•gijaniko, song•chakram aro chanchakram biaprangkode rongtalatgija donbanawa. Bottle-rangko skatang kona noksikrango aro chibima chiringrango galrame re•banawa. Rongtalao atchongna namnika indiba atchongman•e mitchiate donbana namnika.
• Bajar antirangni rongtalako namnika. Bajarrango, gario songreo aro ramarango re•ramitingo chips, snacks, biscuits, sweets aro biterangko cha•na, aro cold/soft driks-rangko ringna namniktokbea. Indiba cha•man ringmanede plastics, wrappers aro bottlerangkode skatang je biapon bon•achim, uanon bik rang•san galmalamataina namnika. Sorok ramarango aro garioni galongkatanira namchongmotja. Ua galna nanggiparangko, dikdiksa chimonge ra•bitenba kragipa bewalo galnara be•en bilgrijawachim. Cha•na ringna skang jreako ra•bitnade neng•ja, indiba cha•mane ringmane bigil aro bikoprarako dikdiksa ra•bite kragipa biapo galna aro rongtale donnade neng•a aro aratbea.
• Sa•ratango chitchuakode namnikjana, an•tangan rama sorok aro bajar antiode chitchuna namnikskara. Biterangni bigilrangko garioni galongkatatna namnika, aro ua rama sorokko saniba rongtale donnengako alturiri mitchiata.
Ua biap nang•ni re•bana skang maidakgipa rongtalao dongachim, ua biapko apsan rongtalao rakkianian gamchata. Maikai sa•ratangko rongtale rakkia, bajar anti rama buringrango skatang galramram galpitpitjana.
No comments:
Post a Comment
If there needs to be any improvement of the article or the blog itself, suggestions are always welcome from every reader.
You may also follow on my blog by clicking on the FOLLOW link on the right side.
Thank you.
----------------------------------------
Maiba namdapatna nanganirangko ku•pattina ba agandapna skani dongode, comment-o aganpa•bo. Agandapaniko pangnan katchae rimchaksoa.
Ang blog-ko follow ka•na namnikode, jakrachipak FOLLOW link-ko sikdepenba ja•rikpabo.
Mitelbea.
-----------------------------------------------------